حكومة الأموات

حكومة الأموات

الست أصيلة

الست أصيلة الست أصيلة في يوم وليلة خبيتها بقت تقيلة دي حكاية ولا ألف ليلة

ليه يا سمرة يا ام خد جميل

ليه يا سمرة يا ام خد جميل يا زهرة مروية بميه النيل ليه طال عليكي يا حلوة الليل وليه فيكي انطفت القناديل ليه وليه وليه...........

يا حكومة حرام عليكي

يا حكومة حرام عليكي
سيبينا نبوس رجليكي
علي طول فاتحة ايديكي
وعمالة تشوطي برجليكي
امشي بقي ربنا يهديكي
امشي ومش ها نندم عليكي
هي راحت فين عنيكي
بصي شوية من حواليكي
ما حدش ماسك فيكي
ما حدش باقي عليكي
غوري بقي الله لا يخليكي
غوري يمكن نعرف نعيش بعديكي
ما عادش معانا خلاص علشان نديكي
ومش ها نقولك شبيكي لبيكي
شعبك واهو بين ايديكي
قال و علي رأي الست كيكي
لو ماشية كيكي كيكي
يحتار عدوك فيكي

البلد مش بلدنا

البلد مش بلدنا البلد مابقتش بلدنا والمال مابقاش مالنا والحال مش هو حالنا هو أيه جرالنا

يا حكومة خلي عندك دم

يا حكومة خلي عندك دم
وارحلي بقي جتك الغم
شيلتي شعبك الهم
ومابقاش لاقي حتي المم
لا وشيلتي كمان الدعم
يا حكومة من غير أم
ولا أب ليها يضم
ارحلي وخلي عندك دم
جوعتي الأب والأم
وشردتي الخال والعم
وخلاص الحال بقي يغم
انتي ايه مافيش فهم
ولااحنا يعني مش مهم
آه نسيت مالكيش لا أب ولاأم
واتباعك فالحة بس في الشم
لا وبتحكمي صم وبكم
ولا ايه يا ابن العم
قول يا ابني يسلم الفم

نداء الي كل مواطن مصري

نداء الي كل مصري أصيل

بياكل ويشرب من ميه النيل

وشقيان من الصبح للليل

وبرضه فيها رزقه قليل

ومن الفقر بقي زليل

كفاية بكي في المنديل

وكلام وصراخ وعويل

ليه سايب نفسك عليل

ينهشوك كلاب الليل

ده لسه فيها نخيل

مسقي بميه النيل

وباقي لألف جيل

بس ناقصه دليل

وفيه الف دليل

قادرين علي التعديل

مش البرادعي ولا زويل

لا ده من الشعب الأصيل

اللي عاني كتير وقليل

وشبع وعود و أقاويل

وبقي للأنتحار بيميل

لولا القرآن والأنجيل

واحد مهيس

يا ريس يا ريس
شعبك خلاص هيس
والمستور فيه فلس
كل مسئول يجي يهلس
ياخد من اللي قبله ويلبس
واحنا اللي بندبس
خلاص الحال بقي مش كويس
عيالنا نفسها تشوف الملبس
ونفسنا ناكل الأحمر والملبس
بس الواحد جيبه مفلس
وخلاص مخه جبس
فين الطبقة الوسطي
فين اللحمة ولا الكفتة
فين سندوتش الكبده
ولا حتي حتة جبنة
ايه بتقول ايه يا ريس
علاوة  لا احنا كده كويس
بناكل كويس
بنشرب كويس
بنلبس كويس
وبنفلس كويس
وبنموت كويس

لا طبعا ده انا بهيس

ايه جرالك يا بنت العم

ايه جرالك يا بنت العم
حالك كده بقي يغم
بعد ما كنتي احن أم
للقريب والغريب بتضم
شيلتي ناسك الهم
وحالتهم بقت يم
مش لاقيين حتي المام
عيشة مالهاش طعم
ومسئولين ما عندهمش دم
وحركاتهم نص كم
انشالله جاتهم الغم
محتاجين تغيير دم
وخد عنك كمان يا عم
ده واحد سرقنا
وفي القمار باعنا
وبيتصعب علي حالنا
وبيقول ايه جرالنا
بيلعب بفلوسنا
قال وخايف لا الفقر يدوسنا
راح عامل ضرايب حتي علي نفسنا
والتاني نضيف ونضف جيوبنا
وبالفقر خرب بيوتنا
طب يا سادة ادونا هدنة
كده ونشم نفسنا
وده واحد بيبيع في كلام
تمام يا افندم تمام
الشعب كله نام
شغلناه بنانسي وهيام
ومرة وكمان أريام
ونسي مر الأيام
وتاه وسط الزحام
وتمام يا افندم تمام
والتاني في التلفزيون علي طول
كل يوم يطلع ويقول
ده كل شبر فيه بترول
ويا عيني الناس مش لاقية الفول
مش كدة يا عم الدلدول
والتاني غاوي اللآب توب
وقزقزة اللب
وهز ديله زي ال..ب
والتاني ملك التطوير
والضرب بالطباشير
وتلبيس الطراطير
غاوي زحمة وطوابير
ومالوش ابدا في عمل الخير
وفي الأذى ليه باع كبير
وفيه زيهم كتير
فيكي يا ارض الخير
يا بلدي وبلد اخويا بدير
عاملين زي الطير
قاعدين ينهبوا في الخير
ودافنين الشعب في بير
عليكي العوض يا ام الخير
ولينا رب كبير
وعلي كل شىء قدير 
يساوي الوزير والغفير